Këtë të martë është regjistruar një humbje jete si pasojë e Covid 19. Betejën me koronavirusin nuk e fitoi një 43 vjecar nga Saranda. Në fakt prej disa ditësh numri i viktimave ishte plotësisht I zeruar, ndërsa situata pandemike cdo ditë e më shumë po vjen drejt stabilizimit, ku kjo gjë është reflektuar edhe tek ulja e numrit të infektimeve. Ministria e shëndetëisë ka bërë me dije se në 24 orët e fundit janë shënuar 22 infektime nga 765 testime të kryera. 11 raste janë shënuar në Tiranë, 3 në Gramsh, 2 në Libohovë dhe nga një rast në Kukës, Mirditë, Fier, Vlorë, Delvinë, Gjirokastër. Po gjatë këtij harku kohorë janë shëruar 152 qytetarë, duke e çuar numrin e të shëruarve në 268,563 që nga fillimi i epidemisë. Aktualisht në spitalet COVID po marrin trajtim 44 pacientë, nga të cilët 5 janë në gjendje më të rënduar. Ndërkohë, 662 qytetarë janë ende aktivë me covid-19 në të gjithë vendin.