Paralajmërimet e Ministrisë së Financave për të ndryshuar buxhetin janë marrë parasysh nga Qeveria, sepse së fundmi në aktin normative të publikuar në Fletoren Zyrtare janë bërë publike të gjitha ndryshimet, sidomos ato të kufirit të të ardhurave me shpenzimet. Me ndryshimet e fundit, të ardhurat buxhetore rriten 5 miliardë lekë, duke arritur në 581,8 miliardë lekë nga 576,8 miliardë lekë që ishin programuar në aktin normativ të miratuar në muajin korrik. Rritja e shpenzimeve do të akordohet për rritjen e fondeve për zhvillimin e programit të rindërtimit, sidomos për ato projekte të rindërtimit ku procesi ka pasur ecuri të shpejtë.