Çështja e listave te hapura te kandidateve permes ndryshimit te Kushtetutes, është bërë shkak për shkëmbimin e relikave mes palëve duke reflektuar edhe qëndrimet përkatëse. I pari ka reaguar përfaqësuesi i PS në Këshillin politik përmës Damian Gjiknuri përmes një statusi në facebook ku ka folur për sfidat që vijnë pas miratimit të ndryshimeve kushtetuese .Gjiknuri nuk ka përjashtuar as hapjen 100% të listave të kandidatëve, kërkesë kjo e opozitës së bashkuar. “Mazhoranca, opozita parlamentare dhe ajo jashtëparlamentare, pas miratimit të amendimit kushtetues për hapjen e listave do duhet të ulen bashkarisht për të analizuar efektet anësore që krijohen. Do duhet të vendosim parashikimet e nevojshme në Kodin Zgjedhor të cilat mundësojnë mbarëvajtjen e procesit”, thuhet ne postimin e gjiknurit. Por ai është ndalur edhe tek çështja e koalicioneve parazgjedhore që më ligjin aktual, ka rezultuar se shumë parti që përfshihen në këto grupime nuk arijnë të marrin votat minimale. “Hapja e listave të kandidatëve dhe grupimi në koalicione parazgjedhore me lista unike siç e praktikojnë të gjitha vendet kryesore evropiane, inkurajon reduktimin e numrit të partive “fantazma” në fletën e votimit. Qytetarët do të kishin të drejtën të zgjidhnin përveç partisë edhe për kandidatin e tyre të preferuar, por pa cënuar administrimin e procesit, votimin, numërimin në kohë dhe nxjerrjen e rezultatit”, thuhet ne postimin e Gjiknurit. Nderkaq Sekretari i Pergjithshem i PD, Gazment Bardhi permes nje statusi në facebook i është përgjigjur Gjiknurit, duke i kujtuar se ai është pjesë e një çeshtjeje hetimore që lidhet me blerjen e votave. Sipas Bardhit opozita politike e vendit nuk do të pranojë asnjë ndryshim të njëanshëm të Kushtetutës. “zgjedhjet i ka dëmtuar koalicioni i Edi Ramës me krimin e organizuar dhe jo koalicioni parazgjedhor i partive politike. I braktisur nga qytetarët, Edi Rama po tenton të prish rregullat e garës në mënyrë të njëanshme, i friksuar nga humbja e zgjedhjeve dhe pushtetit të tij personal, që në 7 vjet e përdori vetëm për të mbështetur veten, oligarkët dhe krimin e organizuar! Asnjë ndryshim i njëanshëm nuk mund të jetë i detyrueshëm për opozitën politike të vendit. Nëse Edi Rama ka vendosur të hedhë në erë zgjedhjet e ardhshme, ne do të bëjmë gjithçka që koston ta mbajë ai, personalisht, jo Shqipëria e shqiptarët”, thuhet ne postimin e Bardhit.