Kreu I Partisë Demokratike Lulzim Basha, përmes një postimi në Facebook, është shprehur se PD do të propozojë një paketë të plotë ndryshimesh kushtetuese, që sipas tij do të kufizojnë dhe garantojnë ndarjen e pushteteve. “Ndryshimet kushtetuese janë të domosdoshme për t’u rikthyer te demokracia, te ndëshkimi i korrupsionit në nivele të larta dhe te ndarja e politikës nga krimi. Ky është vetëm hapi i parë, ai do të pasohet nga një paketë e plotë ndryshimesh kushtetuese që do të kufizojnë dhe garantojnë ndarjen e pushteteve për t’i hapur Shqipërisë rrugën drejt BE-së”, shprehet Basha. Basha ka akuzuar qeverinë dhe kryeministrin Rama se po mban Shqipërinë në vendnumëro në procesin e integrimit Europian.