Presidenti Ilir Meta ka propozuar që ndryshimet Kushtetuese në të ardhmen të mos behën nga Kuvendi, por vetem me referendum popullor. Ne tryezen me shoqerine civile per ‘nismen kombetare per referendum’, Meta thekson se duhet miratuar një ligj i posaçëm për referendumet. “Asgjë e mirë, e sigurt e qëndrueshme afatgjatë evropiane nuk do ndodhë në Shqipëri pa u miratuar ligji për referendum. Dhe një ndryshim në Kushtetutë, që Kushtetuta s’mund të ndryshohet kurrsesi as nga 140 deputetë të ligjshëm. Por çdo ndryshim duhet bërë në referendum. Nuk besoj se sot pas 22 vitesh kemi më arsye ti besojmë cdo politikani përfshirë dhe presidentin aktual”. Sakaq Shoqeria Civile ka hartuar një projekt ligj për referendumet ndaj dhe Meta i ka bëri thirrje Kuvendit ta miratojë, duke shtuar se nuk do te suprizohet edhe nese ndodh e kunderta. Tani që kuvendi është në prag të mbylljes së aktivitetit të tij ta miratojë këtë projekt ligj. Në rast se nuk e bën ky Kuvend që s’do ishte një surprizë jam i sigurt që kuvendi tjetër do e bëjë. Të zhbëjmë çdo cënim të sovranitetit kombëtar dhe interesit publik Unë nuk mendoj më mirë vonë se sa kurrë por o tani o kurrë, jam i bindur që kjo gjë do ndodhë në mos cështje pak muajsh, brenda shumë muajsh Kemi detyrë që brenda vitit që vjen ta instalojmë ligjin për referendumet”.