Ish deputetja e Partisë Socialiste, Edlira Bode është emëruar drejtoreshë e spitalit të Traumës, duke zëvëndësur kështu Arben Zenelin. Ky i fundit do të shërbejë si shef i një pavijoni në Spitalin e Traumës në Tiranë. Bode ka shkuar në ambintet e spitalit ku dhe është prezantuar me mjediset e tij si dhe me stafin mjekësor. Mjeke në profesion, Bode ka mbajtur mandatin e deputetes në vitet 2017-2021 ku përfaqësoi qarkun e Korçës si anëtare e Komisionit për Punën, Çështjet Sociale dhe Shëndetësinë, periudhë gjatë së cilës ka qenë mbështetëse dhe promovuese e një sërë ligjesh të lidhura me shëndetin, profesionet mjekësore dhe mbrojtjen sociale. Bode ka shërbyer, për disa vite, si Mjeke e Përgjithshme dhe e Familjes pranë Shërbimit Shëndetësor Parësor në qytetin e Bilishtit dhe në disa qendra shëndetësore të Rrethit të Devollit.