Pas dorëheqjes së Jens Spahn nga posti i kreut të grupit parlamentar të CDU/CSU në Bundestag, kancelari gjerman Friedrich Merz u shpreh i hapur për një riformatim të kabinetit të tij qeveritar. I pyetur për këtë mundësi nga ZDF, Merz tha, se “kjo mund të jetë një mundësi për të reflektuar edhe një herë mbi përbërjen e qeverisë federale”. Si kandidat i mundshëm për postin e kreut të grupit parlamentar konsiderohet shefi aktual i kancelarisë federale, Thorsten Frei. Nëse ai do të pasonte Spahn, Merzit do t'i duhej të emëronte një shef të ri të Kancelarisë. Merz nuk e ka konfirmuar këtë emërim. Megjithatë, në ditët në vijim pasardhësi ose pasardhësja e Spahn do të diskutohet në organet drejtuese të partisë. Po përmendet ndërkohë edhe emri i Carsten Linnemann për postin e Jens Spahn, aktualisht sekretar i përgjithshëm i CDU-së.