dustrializuara të botës (G7), janë zotuar t’i japin fund ndotjes plastike në vendet e tyre, deri më 2040. Ata e kanë bërë të ditur këtë vendim, përmes një deklarate që lëshuan pas takimit që zhvilluan të dielën në veri të Japonisë. “Ne jemi zotuar për t’i dhënë fund ndotjes plastike, me ambicien që të ulim në zero këtë lloj ndotje deri më 2040”, është thënë në deklaratë. Gjermania, Franca, Kanadaja, Britania dhe Bashkimi Evropian, janë pjesë e një koalicioni shumëkombësh, që e ka bërë këtë zotim edhe vitin e kaluar. Mirëpo, kjo është hera e parë që vendet e tjera që janë pjesë e grupit – Japonia, Shtetet e Bashkuara dhe Italia – janë bërë pjesë e angazhimit për zero plastikë deri më 2040. Ministrja gjermane për Ambient, Steffi Lemke, e ka përshëndetur zotimin e G7-ës, duke e konsideruar si “ambicioz”.