3 punonjës përgjegjës të 2 kompanive private me aktivitet fushën e hidrokarbureve, janë proceduar penalisht pasi shkarkuan mbetje të këtyre lëndëve në ujërat e lumit Gjanica. Pas njoftimit për ndotje të lumit Gjanica, nga shkarkimi i mbetjeve të hidrokarbureve, specialistët e Seksionit për Hetimin e Krimeve Ekonomike dhe Financiare të DVP Fier, në bashkëpunim me ata të Agjencisë Rajonale të Mjedisit Fier-Vlorë-Gjirokastër, kanë kryer të gjitha veprimet e nevojshme hetimore dhe procedurale, për të përcaktuar përgjegjësinë penale për ndotjen. Në përfundim të këtyre veprimeve u referuan materialet në Prokurori ku nisi procedimi në gjendje të lirë për shtetasit K.A, me detyrë drejtor i Qendrës së Prodhimit të Naftës, S.A me detyrë përgjegjës i Sektorit të Dekantimit, Patos, dhe E. B., me detyrë drejtor i operacioneve të hidrokarbureve, në një kompani tjetër private.