14-vjeçari Mario Përlleshaj nuk ka shfaqur pendesë në dëshminë e parë dhënë për uniformat blu në lidhje me vrasjen e bashkëmoshatorit të tij, Martin Cani. Ai thotë se konflikti kishte nisur prej disa ditësh dhe kulmoi të hënën, kur e kishin lënë për t’u sqaruar. “Jemi zënë të premten sepse po më shikonte. E kishiM lënë për t'u sqaruar. Pastaj jemi zënë sërish të hënën. Ai lajmëroi shokët si dhe unë shokët e mi. Gjatë përleshjes ndodhi ajo që ndodhi”. I pyetur nëse është penduar ai nuk ka pranuar të flasë. Ndërkohë, as thikën nuk tregon se ku e ka fshehur. Ai ka thënë se nuk armën e përdorur në vrasje nuk e kishte me vete në shkollë brenda, por e kishte fshehur diku aty afër. 14 vjeçari u arrestua ditën e martë. Nga përleshja mes dy grupeve të adoleshentëve në shkollën ‘Fan Noli’ mbeti i vdekur Martin Cani, ndërsa një tjetër 14-vjeçar u plagos dhe ndodhet në spital me plagë të rënda, por jashtë rrezikut për jetën.