Kometa A3, e njohur gjithashtu si Tsuchinshan-ATLAS, nuk i zhgënjeu astronomët pasi arriti afërsisht 44 milionë milje larg Tokës të shtunën mbrëma. Vëzhguesit e yjeve në të gjithë globin arritën të shihnin "kometën e shekullit" ndërsa ajo lëvizte nëpër hemisferën veriore. Foto nga Britania e Madhe, SHBA dhe Azia treguan kometën brenda sistemit tonë diellor. Fenomeni ndodh afërsisht çdo 80,000 vjet - që do të thotë se kometa ka qenë e dukshme për herë të fundit kur Neandertalët ecnin mbi planet. Besohet se kometa erdhi nga Reja Oort - një guaskë sferike gjigante që rrethon sistemin tonë diellor dhe përmban miliarda objekte duke përfshirë kometat - sipas Shoqërisë Mbretërore Astronomike. Kometa është cilësuar si "kometa e shekullit". Ajo u zbulua në në janar 2023 nga dy observatorë - Observatori Tsuchinshan i Kinës dhe ai ATLAS i Afrikës së Jugut, nga të cilët edhe mori emrin. Ekspertët thonë se kometa edhe mund të fotografohet tani, vecanërisht nëse përdoret një aparat fotografik dixhital me lente të avancuar. Për shkak të afërsisë së saj, kometa do të shfaqet në qiellin perëndimor pas perëndimit të diellit çdo mbrëmje deri në fund të muajit.