Lindi para kohe pas vetëm 23 javësh, me një peshë prej 580 gramë dhe pozitiv me Covid 19. Por mrekullia ndodhi për foshnjën e ardhur në jetë në Lima të Perusë. Pas një muaji të kaluar në inkubator, Jorgeja i vogël arriti të peshonte 930 gram, u shërua nga koronavirusi dhe u bashkua për pak kohë me nënën e tij 27 vjeçare. “Ai është fëmija me moshën më të re i lindur nga një nënë e sëmurë nga Covid në vendin tonë,” tha mjekja Marilú Pachas. Shtatzënia e gruas së re nuk kishte qenë e lehtë. Parashikimet në fakt, siç shpjegon Pachas, nuk ishin aspak të favorshme. Por luftuam dita-ditës, dhe në fund arritëm ta fitonim këtë betejë”, shprehet mjekja.