Kryedemokrati Sali Berisha në konferencën e kësaj të hene përcolli edhe diskutimet e mbajtura gjatë vizitës në Shtetet e Bashkuara të Amerikës, duke vënë theksin te objektivat e qëndrimeve të tij. ‘Unë shkova me një qëllim kryesor: të kërkoj mbështetjen e administratës së SHBA dhe të diasporës tonë, atëherë për përmbysjen e diktaturës totalitare komuniste, kësaj here të diktaturës autoritare të bazuar në drogën, krimin dhe vjedhjen e shqiptarëve.’ Pjesë e diskutimeve me zyrtarët e lartë amerikanë, Berisha tha se u bë edhe cështja Balluku, ku sipas tij, për të po bëhet mburojë kryeministri Rama. ‘Tani këto ditë mësoj që ka një tension real midis Edi Ramës dhe Lubi Ballukut. Në këtë kuadër, ka mundësi që Edi Rama të shohë qartë tani se kabineti ekzistues nuk është në Rama-Balluku, por Balluku-Rama. Balluku-Rama. Dhe unë po i ndjek me shumë interes dhe jo pa kënaqësi këto zhvillime në klanin e tyre mafioz Se si u përdorën 83 mandate si mburojë e një personi që vetëm me gjashtë dosje kishte 36 vite burg. Dhe që e presin 60 të tjera për gjykim.’