Dhjetëra persona janë lënduar në përleshjet në jeruzalemin lindor mes aktivistëve hebrenj të ekstremit të djathtë, palestinezëve dhe policisë izraelite. Dhuna shpërtheu ndërsa policia po përpiqej ti mbante të ndarë palestinezët dhe hebrenjtë ultranacionalistë. KJo pason një natë konfrontimesh në sektorin e okupuar nga izraeli, në mesin e rritjes së nacionalizmit dhe tensioneve fetare. Jeruzalemi lindor ka qenë prej kohësh një pikë e nxehtë, me bashkëezkistencën aspak të lehtë atje mes hebrenjve dhe arabëve. Izraeli ka okupuar jeruzalemin lindor që ga lufta e lindjes së mesme në 1967-ën dhe e konsideron të gjithë qytetin si kryeqytetin e tij, edhe pse kjo nuk njihet nga pjesa më e madhe e komunitetit ndërkombëtar. Palestinezët pretendojnë se jeruzalemi lindor është kryeqyteti i ardhshëm i shtetit të pavarur që ata presin. Përleshjet më të ashpra në disa ditë, shpërthyen natën e të enjtes pasi qindra ekstremistë hebrenj dhe ultranacionalistë, marshuan drejt qytetit të vjetër të jeruzalemit, ku një numër i madh palestinezësh ishin mbledhur, duke thirrur vdekje arabëve! Gurë dhe shishe u hodhën nga të dyja anët dhe policia përdori granatat tymuese, gazin lotsjellës dhe ujin me presion për të shpërndarë turmat. Kryqi i kuq palestinez tha se të paktën 100 palestinezë janë lënduar, ndërsa policia tha se 20 oficerë ishin lënduar. Më shumë se 50 persona janë arrestuar.