Katër dekada pasi katastrofa e Çernobilit përhapi rrezatim në të gjithë Evropën dhe e mbajti Italinë larg nga energjia bërthamore, qeveria e kryeministres Giorgia Meloni po hedh themelet për ta rikthyer atë, ndërsa vendi kërkon të përmirësojë sigurinë energjetike të tij. Qeveria mbështetet te një brez i ri italianësh që e shohin energjinë bërthamore si një burim të energjisë elektrike me clirim të ulët karboni, një mjet për të ndihmuar në luftën kundër ndryshimeve klimatike dhe një mënyrë për të forcuar furnizimin e qëndrueshëm me energji mes tronditjeve nga luftërat e Ukrainës dhe Iranit. Po vihet bast se një mbështetje e tillë do të zbehë mendimet e italianëve që njohën aksidentin bërthamor të vitit 1986, dhe që ende e shohin energjinë atomike përmes lentes së rrezikut dhe fatkeqësisë duke e refuzuar dy herë energjinë bërthamore në referendume kombëtare, thonë ekspertët.