Ministri i Turizmit dhe Kulturës, Blendi Gonxhja ka sjellë shembuj nga koncerte të mëparshme të këngëtarit Kanye Ëest për të argumentuar se të ardhurat e eventeve të këtyre përmasave nuk përfundojnë vetëm me çmimin e biletave, por me efektet zinxhir pozitive në ekonomi. Gonxhja thotë se në Los Anxheles të ardhurat direkte nga dy koncertet e Kanye Ëest u llogaritën në rreth 33 milionë dollarë, ndërsa përfitimet për qytetin ishin rreth tre herë më shumë falë aktivizimit të hotelerisë, transportit dhe restoranteve në ekonominë lokale. Shembulli tjetër që sjell Ministri Gonxhja vjen nga Stambolli. Ai thotë se të ardhurat nga biletat në kryeqendrën turke u llogaritën në rreth 24 milionë euro, por ndikimi ekonomik u vlerësua në 100 milionë euro falë fluksit të turistëve, netëve të qëndrimit dhe konsumit në bizneset lokale. Edhe vlerësimet për koncertin e ardhshëm të këngëtarit në Madrid parashikojnë një ndikim ekonomik deri në 49 milionë euro, deklaron Gonxhja.