Bjonde, me flokët deri në supe, vathë floriri dhe një fustan të kuq, e mbijetuara nga kanceri, Natalie Harp, u prezantua në konventën kombëtare republikane të vitit 2020 si "një amerikane e harruar më pare, nga Kalifornia" dhe e krahasoi Donald Trumpin me George Bejlin, heroin e zakonshëm të luajtur nga James Steëart në filmin klasik It's a Ëonderful Life. "Babai i George Bailey kishte të drejtë," tha Harp. "Gjithcka që mund të marrësh me vete është ajo që ke dhënë. Zoti President, kjo të bën njeriun më të pasur në botë". Gjashtë vjet më vonë, Harp është një nga ndihmëset më të ngushta dhe më të devotshme të Trump. Titulli i saj zyrtar i punës është asistente speciale e presidentit dhe asistente ekzekutive e presidentit me një pagë vjetore prej 150,000 dollarësh. Titulli i saj jozyrtar i punës është "printer njerëzor" pasi e furnizon atë me informacione të printuara. Dhe për vite me radhë ajo ka qenë vetëm një personazh dytësor në Universin e Trump.