Forcat e Mbretërisë së Bashkuar kanë lëshuar këtë të enjte 110 ton ndihma për civilët e Gazës. Kjo është hedhja e 11-të ajrore, e cila përfshin ushqime të gatshme për t'u ngrënë, ujë, oriz, mallra të konservuara dhe miell, nga 120 parashuta. Ndihma u hodh përgjatë vijës bregdetare veriore të Gazës. Mbretëria e Bashkuar filloi të kryejë fluturime në fund të marsit, si pjesë e nismës ndërkombëtare jordaneze. Sekretari i Mbrojtjes, Grant Shapps tha se angazhimi i Mbretërisë së Bashkuar për të ofruar sasi të mëdha ndihme për ata që kanë më shumë nevojë ishte "i palëkundur".