Sekretariatii Etikës pranë Kuvendit të Shqipërisë, dënoi me 10 ditë përjashtim nga punimet e Kuvendit, kreun e grupit parlamentar të Partisë Demokratike Gazment Bardhi, dhe deputetin e Korçës, nga po kjo forcë politike, Fidel Kreka. Shkak për masën disiplinore të marrë nga Sekretariati, u bë protesta në sallën e seancave plenare, pasi kryeministri i dha fjalën ministres së krijuar nga inteligjenca artificiale, ‘Diella’. Kjo është konsideruar nga opozita si tallje e fyerje e institucionit e Kushtetutës, pasi e konsiderojnë antikushtetuese një ministre të tillë. Kësisoj, Bardhi e Kreka kanë përdorur Rregulloren e Kuvendit, Kushtetutën por dhe shishe uji, për ti hedhur në drejtim të kryeparlamentarit dhe qeverisë, pasi u vendos kalimi në votim pa diskutim i programit dhe kabinetit qeveritar. Pas kësaj, deputetët socialistë përpiluan shkresën, ku kërkonin përjashtimin e dy deputetëve nga punimet e Kuvendit. Vendimi u kundërshtua nga anëtarët demokratë në Sekretariatin e Etikës, çka u theksua në deklaratë edhe nga Saimir Korreshi.