Prokuroria e Vlorës ka mbyllur hetimet dhe ka çuar për gjykim ish-kryeinspektorin dhe 3 inspektorë të Inspektioratit të Mbrojtjes së Territorit në Himarë, pasi akuzohen se kanë shpërdoruar detyrën dhe kanë lejuar ndërtime pa leje në zonën e “Kodrës së Rrapojve”. Sipas hetimeve, ata nuk kanë zbatuar ligjin gjatë ushtrimit të detyrës, duke favorizuar ndërtimet e paligjshme dhe duke dëmtuar interesat publike. Ndërkohë, në total janë 7 persona që pritet të dalin para togave të zeza. Tre prej të pandehurve akuzohen për ndërtim pa leje, ndërsa katër ish-inspektorë dhe drejtues të IMT-së për shpërdorim detyre, pasi dyshohet se edhe pse kanë pasur dijeni, nuk kanë ndërhyrë për të prishur apo ndaluar punimet pa leje. Çështja lidhet me një hetim të nisur që në vitin 2021 për abuzimet me ndërtimet në Himarë, ndërsa tani pritet që vendimi përfundimtar të merret nga gjykata.