Këngëtari shqiptar nga Maqedonia e Veriut, Shpat Kasapi është ndarë nga jeta në moshën 40-vjeçare. Lajmi i trishtë ëhstë bërë i ditur nga mediat maqedonase, sipas të cilave këngëtari ka pësuar një atak kardiak gjatë qëndrimit të tij në Itali. Shpat Kasapi ka qenë një nga emrat më të njohur dhe më të dashur të skenës muzikore shqiptare. I lindur më 1 maj 1985 në Tetovë, Shpat Kasapi u kthye në një nga emrat më të përfolur të muzikës ku qëndroi për një kohë të gjatë në qendër të vëmendjes së publikut me një reporter të gjerë këngësh. Karriera e tij nisi në fillim të viteve 2000, duke sjellë hite të njohura për publikun shqiptar, të cilat e bënë atë një nga figurat më të pëlqyera në Shqipëri dhe Kosovë. Këngëtari u martua në vitin 2021 me Selvije Jaon, me të cilën ka një djalë, ndërsa marrëdhënia e tyre përfundoi rreth një vit më parë.