Një aksident I rëndë ka ndodhur në aksin Elbasan-Peqin me pasojë vdekjen e një 55 vjeçari. Sipas njoftimit të policisë në këtë aks rrugor një mjet tip "Suzuki" me drejtues një 67 vjeçar, banues në Elbasan, është përplasur me mjetin tip "Benz" me drejtues një 38 vjeçar, nga Maqedonia e Veriut. Përplasja ka qenë shumë e fortë dhe fatkeqësisht veç dëmeve të mëdha materiale, si pasojë e aksidentit ka ndërruar jetë Agim Neziri, rreth 55 vjeç, banues në Tiranë, i cili ishte pasagjer në mjetin tip "Suzuki", si dhe janë plagosur lehtë të dy drejtuesit e mjeteve që janë përplasur. Këtë të shtunë akset kryesore rrugore e sidomos ato që shkojnë drejt bregdetit apo akset e hyrjeve në Shqipëri nga kufiri me Kosovën e Maqedoninë e Veriut kanë pasur trafik të rënduar për shkak të pushuesve të shumtë që I drejtohen bregdetit shqiptar.