Dy oficerë policie kanë ndërruar jetë si pasojë e atakut kardiak në burgun 313, brenda disa orësh. Rreth orës 21:30 minuta, 62- vjeçari Zog Muhametaj, ka pësuar fillimisht gjendje të fikti ndërsa po bente instruktazhin në oborrin e paraburgimit. I ndjeri është dërguar me autoambulancë për në Spitalin Ushtarak, shoqëruar edhe infermierja e burgut, por është konstatuar që nuk kishte puls. Muhametaj punonte prej 4 vitesh si specialist informacioni me gradën Komisar pranë IEVP Jordan Misja, ndërsa në burgje kishte nisur të punonte që në 2015-tën. Ndërsa është është thirrur një ekip për kqyrjen e kamerave dhe hetimin e ngjarjes rreth mesnatës, ka pësuar atak kardiak oficeri tjetër Pëllumb Vrana, me detyrë teknik i kamerave të paraburgimit, me graden Kryeinspektor. Pëllumb Vranës I është dhënë ndihma e parë dhe është dërguar në QSUT dhe rreth orës 01:00 ka humbur jetën. Ai ndodhej në zyrën e Drejtorit të institucionit dhe po këqyrte kamerat bashkë me Drejtorin e Policisë, Shefin e Sektorit të SHKB dhe Shefin e Sektorit të Kamerave në Drejtorinë e Policisë, kur ka pësuar gjendje të fikti.