Ministri i Jashtëm i Bosnjë-Hercegovinës, Elmedin Konakoviç, u ka dërguar letër të gjitha shteteve anëtare të Kombeve të Bashkuara, duke u kërkuar reagim ndaj ndaj nderimeve shtetërore që Serbia i bëri të dënuarit për gjenocid, Ratko Mladiç. Konakoviç tha se arkivoli i Mladiç u transportua me avionin e Qeverisë së Serbisë dhe u mbulua me flamurin shtetëror, ndërsa shtoi se edhe ceremonia përkujtimore u mbajt në Shtëpinë e Ushtrisë, ndërsa varrimi u bë me nderime të plota ushtarake. Sipas ministrit të jashtem boshnjak, në ceremoni morën pjesë ministra serbë dhe drejtues të lartë të Republikës Serbe. Kryediplomati tha se presidenti Aleksandar Vuçiç nuk mori pjesë, por mbrojti publikisht veprimet e institucioneve serbe. Konakoviq theksoi se Mladiç ishte është për gjenocid, krime kundër njerëzimit dhe krime lufte. Në letër përmendet edhe rezoluta e OKB-së për gjenocidin në Srebrenicë, e cila dënon nderimet e kriminelëve të luftës. Konakoviq u kërkoi shteteve anëtare ta dënojnë publikisht lartësimin e figurës së Mladiç dhe të shqyrtojnë masa kufizuese ndaj përgjegjësve.