SPAK ka shpallur pretencën 4 vite burg për ish-kryeprokurorin e Vlorës, Aurel Zarka të përfshirë në dosjen Toyota Yaris, i cili është marrë i pandehur për veprat penale korrupsion dhe ushtrim ndikimi. Prokuroria e Posaccme thotë se është provuar fakti se Aurel Zarka në bashkëpunim me Radovan Çelën, Astrit Vladin, Erjona Daupaj në bashkëpunim me njëri tjetrin në disa raste kanë ofruar dhe premtuar përfitime të parregullta për të ushtruar ndikim te funksionarë të drejtësisë; kanë pranuar premtime dhe përfitime të parregullta për të ushtruar ndikim të paligjshëm te funksionarë të drejtësisë; kanë ofruar përfitime të parregullta për funksionarë të drejtësisë; si dhe kanë kërkuar përfitime të parregullta për të kryer veprime të lidhura me funksionin dhe detyrën e tyre, sipas episodeve dhe akuzave respektive për secilin prej tyre.