Përplasja me armë në rrugën Todi Shkurti në Tiranë, ku mbetën të plagosur dy persona ndodhi për motive krejt banale, ku shkak u bë një parakalim. Dy të rinjtë e plagosur, Altin Gjoka, 32 vjeç dhe Jetmir Marashi 28 vjeç mësohet se kanë patur një debat mes sharjesh e ofendimesh me Aldo Gjinin, ku ky i fundit ka nxjerrë armën dhe ka qëlluar ndaj dy të rinjve, duke goditur Gjokën në shpatull dhe Marashin në gjoks. Ngjarja ndodhi pranë Qytetit Studenti, në një zonë tepër të populluar, por që fatmirësisht nuk pati kalimtarë të lënduar. Por kush është Aldo Gjini, autori i plagosjes së dyfishtë?