Sot zhvillohet ceremonia mortore në nderim të ish-kryetarit të Kuvendit, Servet Pëllumbi, i cili u nda nga jeta një ditë më parë në moshën 89-vjeçare. Homazhet do të mbahen në hollin e Teatrit të Operas dhe Baletit, teksa pak pas mesditës, miq, të afërm, kolegë e familjarë do t’i japin lamtumirën e fundit. Servet Pëllumbi ishte një nga themeluesit e Partisë Socialiste dhe një prej figurave kryesore të politikës shqiptare pas viteve ’90, i vlerësuar për integritetin dhe kontributin e tij publik.