Pak ditë para se të përballet me diplomatin më të lartë të rusisë në Kombet e Bashkuara, presidenti i Ukrainës, Volodimir Zelenski, sugjeroi se organi global duhet të japë llogari për lejimin e pushtuesit të vendit të tij që të ulet në tryezat e pushtetit. “Për ne, është shumë e rëndësishme që fjalët dhe mesazhet tona të dëgjohen nga partnerët tanë. Dhe nëse në Kombet e bashkuara, ka ende një vend për terroristët rusë, kjo është për të ardhur keq. Nuk është problem i yni por është një problem për anëtarët e kombeve të bashkuara”, tha Zelenski pasi vizitoi ushtarët e plagosur ukrainas në një spital në Nju Jork. Ai ka mbërritur në shba për të bërë që zëri i vendit të tij të dëgjohet nga e gjithë bota dhe për ti kërkuar uashingtonit që të vazhdojë ta ndihmojë ukrainën në përpjekjen për të zbrapsur pushtimin rus. Aleatët perëndimorë të Ukrainës i kanë dhënë armë dhe municione vendit dhe kongresi amerikan po vlerëson aktualisht një kërkesë të presidentit Joe Biden për të dhënë 24 miliardë dollarë ndihma ushtarake dhe humanitare. Ndërkohë ligjvënësit amerikanë janë të ndarë për sa i takon ndihmave të tjera për Kievin.