Policia e Fierit ka arrestuar këtë të hënë një 38-vjeçar nga Lushnja, pasi u kap me doza kokaine në makinë, me qëllim shitjen e tyre. 38-vjeçari me iniciale E.K fillimisht u ndalua në aksin Fiershegan-Krutje gjatë kontrolleve të Policisë Rrugore, ku nga testi i alkoolit rezultoi se ai drejtonte automjetin në gjendje të dehur, ndërsa gjatë verifikimeve u konstatua edhe se mjeti nuk ishte i pajisur me siguracion. Për këto shkelje ai u ndëshkua me 55 mijë lekë gjobë. Më pas, policia kreu kontroll edhe në banesën e 38-vjecarit, ku u zbuluan doza të tjera kokaine bashkë me një peshore elektronike. Në total u sekuestruan 33 doza kokaine gati për shitje, një peshore elektronike, 4 telefona celularë dhe automjeti i 38 vjecarit. Ndaj 38-vjeçarit kanë nisur procedurat për veprën penale ‘Prodhimi dhe shitja e narkotikëve’, ndërsa materialet i janë referuar Prokurorisë së Fierit për veprime të mëtejshme.