Kongresisti amerikan Joe Wilson i bëri thirrje Serbisë që të ndërpresë varësinë nga energjia ruse dhe të distancohet nga Rusia, Kina dhe Irani, duke theksuar se vetëm në këtë mënyrë mund të afrohet plotësisht me Bashkimin Evropian dhe NATO-n. Në një intervistë për Radion Evropa e Lirë, Ëilson rikonfirmoi mbështetjen e tij për pavarësinë e Kosovës dhe kritikoi Beogradin për kërcënimet e vazhdueshme ndaj Kosovës. Ai u shpreh se Serbia duhet të bëhet pjesë e plotë e institucioneve perëndimore dhe të shkëpusë lidhjet me regjimet autoritare. Ëilson, i cili ka sponsorizuar një rezolutë në Kongresin amerikan për zhvendosjen e sesionit vjetor të Asamblesë Parlamentare të OSBE-së nga Beogradi në Çarlston të Karolinës së Jugut, argumentoi se shqetësimet e tij lidhen me ndikimin rus, kinez dhe iranian në Serbi. Ai theksoi se Serbia nuk duhet të vazhdojë importet e naftës dhe gazit rus, duke shtuar se negociatat nuk mjaftojnë dhe se Beogradi duhet të ndërmarrë hapa të menjëhershëm për t’u shkëputur nga Moska. Sipas Ëilson, vendi duhet të ndjekë shembullin e shteteve që po reduktojnë varësinë nga energjia ruse dhe të pozicionohet qartë në krah të Perëndimit. Në përfundim, Wilson theksoi se dëshiron ta shohë Serbinë “në anën fituese të historisë”, duke zgjedhur lirinë dhe demokracinë në vend të lidhjeve me regjimet autoritare.