Pas disa javësh protesta, kryeministri izraelit, Benjamin Netanjahu bëri një hap prapa duke pezulluar për momentin reformën në sistemin e drejtësisë. "Kam vendosur që konsultimet e dyta dhe të treta në këtë periudhë seancash parlamentare të pezullohen", tha Netanjahu në Jeruzalem. Kjo nënkupton që projektligji mund të paraqitet në parlament për miratim më së shpejti në fillim të prillit. "Ne ndodhemi në mesin e një krize, që rrezikon unitetin tonë themelor", është shprehur Netanjahu. Ai paralajmëroi një luftë qytetare, e cila nuk duhet të ndodhë. "Të gjithë duhet të veprojnë me përgjegjësi", theksoi Netanjahu, prandaj zgjas dorën për dialog. Ministri për Sigurinë Kombëtare, Itamar Ben-Gvir kishte bërë të ditur më parë, se ai kishte rënë dakord për shtyrjen e reformës me Netanjahun. Për këtë do të krijohet një "Gardë Kombëtare" nën drejtimin e politikanit të ekstremit të djathtë. Nuk është e qartë, se çfarë nënkupton kjo konkretisht. Sipas mediave izraelite, Ben-Gvir e ka kërcënuar me dorëheqje Netanjahun, nëse ky i fundit heq dorë nga planet e reformës në drejtësi.