Pikënisja e turit ballkanik të presidentes së komisionit europian, Ursula Von Der Leyen ishte forumi i investimeve i mbajtur në Tiranë. Nga vendi që ka integruar në kabinet qeveritar inteligjencën artificiale, Von Der Leyen shpalosi projektet e investimeve europiane në këtë sektor, të cilat do të implementohen në Serbi dhe në Maqedoninë e Veriut, dhe prej tyre mund të përfitojë i gjithë rajoni. “Do ta nisim me ngritjen e dy fabrikave në Maqedoninë e Veriut dhe në Serbi dhe do ta shtrijmë këtë shtyllë kurrizore digjitale me shpejtësi të lartë në të gjithë rajonin dhe kjo do të lejojë të gjitha kompanitë në të gjashta vendet partnere në të gjithë rajonin, të lidhen me këto fabrika, që do të thotë, fabrikat tuaja do të kenë mundësi t’i qasen infrastrukturës së inteligjencës artificiale evropiane këtu, në rajon.”