Italia i dha lamtumirën e fundit ish presidentit Giorgio Napolitano, i cili la pas një histori politike 70 vjeçare në shtetin fqinj. Napolitano u nda nga jeta në moshën 98 vjeçare pas pesë vitesh problemesh shëndetësore. Në prill të vitit 2018, Napolitano përjetoi dhimbje të forta në gjoks dhe u transportua me urgjencë në San Camillo në Romë. Ai iu nënshtrua një operacioni në zemër për shkak të një problemi me aortën. Operacioni rezultoi me sukses dhe ish-kreu i shtetit doli nga spitali rreth një muaj më vonë . Në maj të vitit 2022, Napolitano iu nënshtrua një operacioni tjetër në Institutin Spallanzani në Romë. Së fundmi gjendja e tij shëndetësore ishte përkeqësuar dhe presidenti ishte shtruar prej disa kohësh në një klinikë deri mbylli sytë përgjithmonë të premten e 22 shtatorit në orën 19:45, në klinikën Salvator Mundi në Gianicolo në Romë.