Ish-deputeti i Partisë Socialiste, Andis Harasani, ka ndërruar jetë në moshën 54-vjeçare. Lajmi i trishtë është bërë i ditur nga bashkëshortja e tij, Suela Kapllani Harasani, e cila ka njoftuar se ai vuante nga një sëmundje e rëndë dhe nuk ia doli dot të fitonte betejën me kancerin. “Me hidhërim të thellë, njoftojmë humbjen e parakohshme të njeriut tonë të zemrës, babait, bashkëshortit, djalit, vëllait, mikut Andis Harasani. Andisi ynë luftoi për jetën me forcën, besimin dhe vendosmërinë që e karakterizonte gjithmone. Ai luftoi fort për ne dhe nuk rreshti kurrë së dhuruari dashuri, mbështetje e forcë. Fatkeqësisht, e humbëm betejën kundër kancerit”, shkruan bashkëshortja e tij. Suela Kapllani Harasani shpreh mungesën që ndjejnë teksa thotë se jo ajo, Thea dhe Henry janë përjetësisht mirënjohës për rrugëtimin e bërë bashkë. Andis Harasani ka luajtur një rol të rëndësishëm në politikën shqiptare. Ai u zgjodh dy herë deputet në radhët e Partisë Socialiste, në zgjedhjet e vitit 2005 dhe 2009. Nga shtatori i vitit 2002 deri në korrik të vitit 2009, ai drejtoi Korporatën Elektroenergjitike Shqiptare. Edhe pas largimit nga politika në vitin 2012 dhe shpërnguljes në SHBA, Harasani ka luajtur një rol aktiv në jetën publike.