Top News- Ndahen çmimet e Tirana Triathlon/ Veliaj: Do të kemi edhe shumë surpriza të tjera këtë vit

Kryetari i bashkisë së Tiranës Erion Veliaj mori pjesë në ceremoninë e dhënies së çmimeve të fituesve të të 3 disiplinave, not vrap e çiklizëm, që u mbajt këtë të diel në Farkë. Sipas Veliajt, Farka sot është kthyer në një nga destinacionet e jashtëzakonshme të kryeqytetit. “E filluam këtu me Kostas Bakoyannis, kryetarin e Bashkisë së Athinës kur hapëm Parkun Helen. Shumë veta mendonin që ishte diçka e vogël, një akupunturë, askush nuk e imagjinonte dot që pas pak kohësh ne do të kishim një park të dytë të Tiranës, pas Liqenit të Tiranës.” Më tej veliaj paralajmëroi një sërë eventesh në kuadër të vitit ku Tirana është zgjedhur si qyteti evropian I Sportit.