Aleksei Navalni do të varroset në një varrezë të Moskës, të premten. Ceremonia do të mbahet në barrezën Borisovskoje, pas një lamtumire që do ti jepet më parë atij në distriktin Maryino. Të martën, zëdhënësja e liderit të opozitës tha se ekipi i tij nuk po mundej të gjente një shtëpi funerali, me shumë prej tyre që refuzonin të organizonin ceremoninë kur mësonin se për kë bëhej fjalë. Aleksei Navalni, vdiq papritur në një burg në arktik, më herët këtë muaj. Për vite të tëra, ai ishte kritiku më i zëshëm i Vladimir PUtinit. E veja e Navalnit, Julia Navalnaja, por edhe disa liderë botërorë, kanë fajësuar direkt presidentin rus për vdekjen e tij. Ekipi i Navalnit donte që ceremonia e varrimit të mbahej më 29 shkurt, por u bë e qartë shpejt se nuk kishte as edhe një person të vetëm që do të mund të hapte një varr atë ditë – tha Ivan Zhdanov, drejtor i fondacionit anti korrupsion të navalnit. Ai aludoi se shkak për këtë refuzim ishte fjalimi vjetor i presidentit rus Vladimir putin para asamblesë federale, të njëjtën ditë. Kremlini e kupton se askush nuk do të dëgjonte putinin dhe fjalimin e tij në ditën e lamtumirës për Aleksei Navalnin – tha Zhdanov. Ai po ashtu inkurajoi njerëzit të mblidheshin herët në mëngjes nëse duan të kenë shansin ti thonë lamtumirë Navalnit.