Një grua kanadeze me origjinë kineze, e cila po bënte praktikë në selinë ushtarake të NATO-s, është arrestuar me akuzën e spiunazhit. Inteligjenca ushtarake belge dhe policia federale nisën një hetim pasi zyrtarët në Shtabin Suprem të Komandës Aleate për Evropën ngritën dyshime. Shtëpia dhe vendi i punës së të dyshuarës, identiteti i së cilës nuk është bërë publik, u kontrolluan të enjten, duke çuar më pas në arrestimin e saj. “Ajo dyshohet se spiunon në emër të një vendi të tretë dhe se është anëtare e një organizate kriminale”, tha Zyra e Prokurorit Federal Belg në një deklaratë. Megjithatë, autoritetet vendase nuk dhanë detaje të vendit për të cilin dyshohet se spiunon. Baza ushtarake e shtrirë pranë Mons në Belgjikën perëndimore, është selia strategjike ushtarake e NATO-s, ku komandantët e aleancës ushtarake planifikojnë dhe ekzekutojnë operacione globale dhe koordinojnë përgjigjet ndaj kërcënimeve.