Forcat e armatosura të Gjermanisë po planifikojnë se si të trajtojnë një numër të mundshëm prej 1,000 trupash të plagosura në ditë, në rast se shpërthen një konflikt në shkallë të gjerë mes NATO-s dhe Rusisë, dhe mes paralajmërimeve të hershme nga aleanca se Moska mund të jetë e aftë të nisë një sulm në vitin 2029. Moska ka hedhur poshtë çdo sugjerim se mund të jetë duke u përgatitur për një luftë me aleancën ushtarake perëndimore, por inkursionet e fundit të avionëve dhe dronëve rusë në territorin e NATO-s kanë rritur frikën e përshkallëzimit. Ekspertët gjermanë thonë se numri i trupave të plagosur në një konflikt të mundshëm do të varej nga intensiteti i betejës dhe flasin për një shifër prej rreth 1,000 trupash të plagosura në ditë. Ushtritë evropiane, përfshirë shërbimet e tyre mjekësore, rritën përgatitjet për konflikt të mundshëm me Moskën pas pushtimit të Ukrainës nga Rusia në 2022. Gjermania gjithashtu po e përshtat vazhdimisht trajnimin e saj mjekësor, duke përfshirë mësimet e nxjerra nga lufta në Ukrainë. Duke patur parasysh rolin e dronëve në betejat e sotme, gjermania planifikon përdorimin e trenave dhe autobusëve për të transportuar të plagosurit ndërkohë që po punon për përmirësimin e evakuimeve mjekësore nga ajri. Të plagosurit në luftë, trajtohen fillimisht në vijën e frontit, para se të transportohen në gjermani për kujdes në spitalet civile. Spitalet në gjermani kanë një kapacitet prej deri në 440 mijë shtretërish, nga të cilët, afro 15 mijë do të nevojiten për të plagosurit e luftës.