Ish-kryeministri i Britanisë së Madhe tha se vendit mund t'i duhet të dërgojë trupa në Ukrainë nëse presidenti i sapozgjedhur Donald Trump redukton fondet ose mbështetjen ushtarake të SHBA për ukrainasit. Gjatë një interviste për mediat britanike, Boris Johnson, ish-kryeministri konservator, tha se, nëse Britania e Madhe dështon të mbështesë Ukrainën, kostot në Britani do të rriteshin dhe kjo do të ishte një kërcënim për sigurinë evropiane. Johnson shtoi se do të ishte më mirë të dërgoheshin trupa, për të kompensuar gjithcka që ofron SHBA, nëse trump shkurton ndihmën për Ukrainën. Plani i supozuar i Trump për t'i dhënë fund luftës në Ukrainë përfshin ngrirjen e konfliktit në vijat e frontit dhe krijimin e një zone të demilitarizuar prej 1300 kilometrash, por SHBA, nuk do të dërgojë trupa për të siguruar këtë zonë të demilitarizuar dhe as nuk do të paguajë për të. Trump gjithashtu ka kritikuar më parë NATO-n dhe ka diskutuar madje edhe tërheqjen e SHBA nga aleanca, e cila koordinon "dërgimin e ndihmës nga aleatët dhe partnerët në Ukrainë". Trump nuk ka publikuar planet zyrtare për luftën Rusi-Ukrainë, por më herët ka thënë se do t'i jepte fund konfliktit "brenda 24 orëve". Presidenti i zgjedhur ka thënë gjithashtu se ai beson se SHBA-ja po i dërgon Ukrainës shumë para dhe se do të ndalojë dërgimin e ndihmave ushtarake nëse zgjidhet. Për të gjithë ata që pyesin përse duhet ta mbështesim ukrainën, unë them: përndryshe, siguria jonë kolektive do të degradohej nga një rusi në rritje që kërcënon të gjitha pjesët e evropës. Duke përshkruar këtë skenar, Xhonson shtoi: Ne duhet të paguajmë më pas për të dërguar trupat britanike që të ndihmojnë në mbrojtjen e ukrainës. Ish-kryeministri shtoi se mbështetja e Ukrainës nga Mbretëria e Bashkuar është jetike për të siguruar mbrojtjen e vendeve të tjera evropiane nga Rusia. Ai tha se, nëse Ukraina bie, do të ketë një kërcënim edhe më të madh në kufijtë tanë dhe në kufijtë e kontinentit evropian.