NATO ka dërguar në Ballkan avionë spiunë për të garantuar sigurinë e aleancës në krahun lindor mes konlfiktit të vazhdueshëm në Ukrainë. Në Rumani mbërritën të martën aeroplanë vëzhgimi për të forcuar krahun lindor të aleancës ushtarake perëndimore. Avionët do të përdoren gjithashtu për të monitoruar aktivitetin ushtarak rus. Ata mund të zbulojnë aeroplanë qindra kilometra larg, duke i bërë ata një faktor kyç për parandalimin e incidenteve dhe sigurinë e Ballkanit. Mjetet fluturuese të vendosura në Rumani janë zakonisht nga Gjermania dhe u dërguan së bashku me rreth 180 personel ushtarak.