Sekretari i përgjithshëm i NATO-s, Jens Stoltenberg, do ti japë fund mandatit të tij ashtu sic ishte planifikuar në tetor, tha një zëdhënës i aleancës, pasi një gazetë raportoi një shtyrje të re të mandatit të tij. “Mandati i sekretarit të përgjithshëm Jens Stoltenberg, është shtyrë tre herë deri më tani dhe ai ka shërbyer në post për një total prej thuajse nëntë vitesh”, tha zëdhënësi i NATO-s, Oana Lungescu. “Mandati i sekretarit të përgjithshëm përfundon në tetor të këtij viti dhe ai nuk ka ndër mend të kërkojë një zgjatje tjetër të tij”, tha zëdhënësi. Më herët, Velt am Sontag, raportoi se mandati i Stoltenberg do të zgjatej sërish pasi aleanca kërkon të ruajë stabilitetin gjatë kohëzgjatjes së luftës në Ukrainë. Stoltenberg, një ekonomist dhe ish lider i partisë laburiste të Norvegjisë, e zgjati mandatin e tij në krye të NATO-s vitin e shkuar. Ai ishte kryeministër i Norvegjisë në vitet 2000-2001 dhe 2005-2013, para se të bëhej shefi i natos një vit më pas...Ai ka qenë më herët edhe ministër financash dhe ministër i energjisë. Velt Am Sontag tha se anëtarët e aleancës donin ti jepnin Stoltenbergut mundësinë për të udhëhequr organizatën në samitin që do të mbahet me rastin e 75 vjetorit të saj, në uashington, në prill 2024. Ai do të ishte edhe në pozicionin për tu bërë president i Bankës botërore kur David Malpass të tërhiqej rreth të njëjtës kohë...