NATO po fillon stërvitjet me lëshime të vërteta raketash ndërkohë që një armatë luftanijesh ruse ndodhet pranë Britanisë së Madhe. Luftanijet e Putinit, disa të armatosura me raketa me kapacitet bërthamor, po mblidhen në detin e zi duke ardhur nga drejtime të ndryshme, në atë që ekspertët e shohin si aktivitetin më të lartë detar të rusisë atje në të paktën tre vitet e fundit. Më shumë se 20 luftanije, 35 avionë luftarakë dhe tetë njësi detare nga 13 shtete do të marrin pjesë në stërvitjen e NATO-s, Formidable Shield, që nis më 8 maj. Stërvitja ka si qëllim trajnimin e sistemeve të mbrojtjes ajrore dhe raketore. Kjo vjen ndërsa marina mbretërore britanike, një ditë më parë, nxorri në det të hapur një luftanije për të ndjekur armatën ruse që i afrohej rrezikshëm brigjeve britanike. Përvec luftanijes, forcat ajrore britanike nisën në fluturim edhe avionët Poseidon P-8, bashkë me aleatët norvegjezë dhe amerikanë, për të monitoruar rusët. “Për momentin, janë disa luftanije ruse që po operojnë në detin e veriut dhe ky aktivitet është më i larti që para pandemisë”, thanë forcat e armatosura të Norvegjisë. Luftanijet e Putinit janë në gjendje të mbajnë edhe armë bërthamore dhe mendohet se ato po përpiqen të demonstrojnë forcën në prag të kurorëzimit të Mbretit Charles.