Ndërsa frika rritet mbi pasojat e mundshme të lejimit të Ukrainës që të përdorë raketat perëndimore mbi territorin rus, NATO po zhvillon stërvitjen e saj më të madhe të artilerisë vetëm 112 km larg nga kufiri rus, ku Ushtria Britanike po teston atë që shefat ushtarakë e kanë përshkruar si një armë që ndryshon rregullat e lojës. Finlanda, e cila iu bashkua aleancës ushtarake vitin e kaluar, ka pritur deri në 3,600 ushtarë nga 28 vende të NATO-s që do të marrin pjesë në stërvitjen e quajtur Fronti Dinamik. Stërvitjet me zjarr të drejtpërdrejtë filluan të dielën në rajonin verior të Laponisë dhe janë pjesë e një serie stërvitjesh të aleancës, me të tjera që janë planifikuar në Estoni, Gjermani, Rumani dhe Poloni. Ushtria Britanike po përdor armët e saj Archer 155 milimetërshe, armë të cilat mund të lëshojnë predha shpërthyese ose municione të drejtuara nga GPS, dhe që godasin objektivat 50 km larg. Armët janë etiketuar si një ndryshim i rregullave të lojës në fushën e betejës, me majorin Barney Ingram që tha se me to mund të neutralizohen shumica e objektivave. Televizioni shtetëror i Putinit, ka lëshuar kërcënime të hapura për një sulm bërthamor ndaj Britanisë dhe SHBA-së në vazhdën e vendimit të administratës Biden për të lejuar Ukrainën të përdorë raketa me rreze të gjatë veprimi për të qëlluar territorin rus. Andrey Gurulev, gjeneral rezervist i ushtrisë ruse, deputet i linjës së ashpër dhe propagandist pro-Putinit, paralajmëroi për një sulm bërthamor në shkallë të plotë në Britani për të treguar forcën e rusisë. "Ka objektiva individualë që mund të goditen me sulme paralajmëruese demonstrative," tha ai. "Dhe kandidati i parë për tu vënë në shënjestër të një arme bërthamore është britania e madhe”, shtoi ai.