Sekretari i Përgjithshëm i NATO-s, Mark Rutte, I kërkoi Beogradit që të marr veprime lidhur me sulmin terrorist në Banjskë. Rute përsëriti se aleanca pret përgjegjësi nga autoritetet në Beograd për ngjarjet në Kosovë. përfshirë sulmet ndaj ushtarëve të KFOR gjatë tensioneve në pranverën e vitit 2023. “Kam një marrëdhënie personale me presidentin [e Serbisë] Aleksandar Vuçiq. Njohim njëri-tjetrin prej shumë vitesh. Por, natyrisht, presim nga ai që të përcaktojë përgjegjësinë për atë që ndodhi disa vite më parë, dhe kjo për dy çështje. Për të dyja ka premtuar përcaktimin e plotë të përgjegjësisë”, tha Rutte. Deklaratat ai I bëri gjatë adresimit në Komitetin e Punëve të Jashtëme të Parlamentit Europian ku konfirmoi edhe mbështetjen për dialogun dhe normalizimin e raporteve mes Prishtinës e Beogradit. Rutte po ashtu theksoi se NATO-ja është e përkushtuar ndaj situatës së sigurisë në Ballkanin Perëndimor, duke theksuar se aleanca ushtarake perëndimore nuk do të lejojë krijimin e një vakumi të sigurisë në Bosnje dhe Hercegovinë, shkruan Radio Evropa e Lirë.