Një ditë pas sulmit të organizuar të SHBA-ve ndaj tre centraleve bërthmore në Iran, sekretari I përgjithshëm I NATO-s u rreshtua krah operacionit amerikan në Lindjen e Mesme. Duke iu referuar situatës në Iran, shefi I NATO-s tha para samitit, se aleatët e aleancës ushtarake kishin rënë dakord prej kohësh që Irani nuk duhet të zhvillojë një armë bërthamore. “Aleatët i kanë kërkuar vazhdimisht Iranit të përmbushë detyrimet e tij sipas Traktatit për Mospërhapjen Bërthamore (NPT)”, tha Rutte. Ai përsëriti se plani i ri i investimeve në mbrojtje i aleancës do të jetë 5% e PBB-së dhe kjo do të ndihmojë në sigurimin e sigurisë dhe mbrojtjes. “Ndërsa udhëheqësit fillojnë të mblidhen për samitin këtu, ky është fokusi ynë - të sigurohemi që kemi gjithçka që na nevojitet për të penguar dhe mbrojtur kundër çdo kërcënimi”, shton Rutte. Shefi I NATO-s tha se “kërcënimi më i rëndësishëm” me të cilin përballet aleanca është Rusia.