NATO nuk do të mbështesë propozimin e Donald Trump për një rritje masive në shpenzimet e mbrojtjes, por ka të ngjarë të pranojë të shkojë përtej objektivit të saj aktual, thonë zyrtarët e aleancës dhe analistët. Presidenti i zgjedhur i SHBA-së deklaroi të martën anëtarët e aleancës ushtarake duhet të shpenzojnë 5% të prodhimit të brendshëm bruto për mbrojtje, një rritje e madhe kjo krahasuar me objektivin aktual prej 2% dhe një nivel që asnjë vend i NATO-s, përfshirë Shtetet e Bashkuara të amerikës nuk e arrin aktualisht. Komentet e Trump ishin një kujtesë e fokusit të tij në shpenzimet e NATO-s gjatë mandatit të tij të parë dhe kërcënimet e tij për të mos mbrojtur aleatët që nuk arrijnë të përmbushin objektivin. Zyrtarët nga vendet e NATO-s thanë se ata kanë rënë dakord që shpenzimet e mbrojtjes duhet të rriten më tej, por nuk miratuan shifrën prej 5 për qindësh që analistët thanë se do të ishte politikisht dhe ekonomikisht e pamundur të arrihej për pothuajse të gjithë anëtarët.