“Dërgoni armë të reja në Ukrainë”. Kjo është ftesa e shpërndarë nga nato për të gjitha vendet mike të Kievit, përfshirë Italinë. Kjo e fundit, nuk tërhiqet por duhet të bëjë llogaritë edhe me sigurinë e brendshme. Sipas mediave italiane, vendit i është kërkuar të dërgojë një sistem anti raketor shumë të sofistikuar, që konsiderohet madje superior nga ai që përdoret nga SHBA, dhe që bashkëndahet me Francën. Bëhet fjalë për pesë bateri në total, prodhim i gjeneratës së fundit, tek të cilat italia mund të mbështetet për mbrojtje. Por, dërgimi i tij në një shtet nën pushtim do të thotë dobësim të mbrojtjes personale dhe qeveria italiane është paralajmëruar për këtë nga drejtuesit e ushtrisë. Sipas tyre, nuk mund të shpresohet as tek prodhimi i një sistemi të ri pasi ai do të kërkonte shtatë vite dhe 700 milionë euro për vetëm një bateri.