NATO nuk i ka kërkuar Shqipërisë të ndërpresë, apo kufizojë bashkëpunimin me kompaninë izraelite, Elbit Systems, që pak muaj më parë ka nënshkruar një marrëveshje për prodhim armësh me KAYO-n. Ministri i Mbrojtjes, Ermal Nufi deklaroi se prodhimi i pajisjeve luftarake, përfshirë edhe dronëve është vonuar për shkak të luftës dhe jo prej ndonjë kërkese të NATO. Kompania Elbit Systems është nën hetim nga Agjencia e Prokurimeve të NATO-s prej fundit të vitit të kaluar nën dyshimet e korrupsionit dhe ryshfetit me një tender të ndërmarrë nga një vend anëtar i Aleancës.