Shefi i NATO-s, Mark Rutte ofroi mbështetjen e tij për qeverinë e Bosnjësn të hënën, në mesin e një krize politike në vazhdim, duke thënë se aleanca nuk do të lejonte një "vakum sigurie" në vendin ballkanik. Sigurisht që dëgjoj shqetësime për situatën e sigurisë, por le të jemi të qartë: Ky nuk është viti 1992 dhe ne nuk do të lejojmë të shfaqet një vakum sigurie. Komuniteti ndërkombëtar është këtu dhe është i përkushtuar për të vazhduar mbështetjen tonë të fortë, duke përfshirë edhe EUFOR-in dhe NATO-n Rutte viziton Bosnjen në mesin e një krize politike që ka parë përfaqësuesin e lartë të vendit të bllokuar në një përplasje të ashpër me presidentin e Republikës Serbska. Tensionet politike janë rritur që kur Milorad Dodik u dënua muajin e kaluar për sfidimin e Christian Schmidt, përfaqësuesit të lartë që mbikqyr marrëveshjen e paqes të Bosnjës. Që nga fundi i luftës ndëretnike të Bosnjës në vitet 1990, vendi është përbërë nga dy gjysma autonome, Republika Srbska e dominuar nga serbët dhe një rajon myslimano-kroat. Të dy entitetet kanë qeveritë dhe parlamentet e tyre dhe janë të lidhura me institucione qendrore të dobëta.