Shefi i NATO-s, Jens Stoltenberg ka kundërshtuar cdo sugjerim sipas të cilit vendet brenda aleancës nuk do të mbronin njëri tjetrin, pasi ish presidenti amerikan Donald Trump tha se ai nuk do të respektonte klauzolën e mbrojtjes kolektive që qëndron në thelbin e aleancës, nëse do të rizgjidhet. Në atë që do të ishte një braktisje tronditëse e angazhimit shumë dekadësh të shteteve të bashkuara të amerikës, Trump që po garon për rizgjedhje në nëntor, tha gjatë një tubimi elektoral të shtunën se ai do të inkurajonte rusinë të bënte cfarë të donte me cdo vend anëtar të natos që nuk plotëson kushtet e paracaktuara për shpenzimet dhe se nuk do ti ofronte një vendi të tillë mbështetjen amerikane. Duke reaguar ndaj kësaj deklarate, Stoltenberg tha se komente të tilla vendosin në rrezik ushtarët amerikanë dhe ata evropianë. “Cdo sugjerim se aleatët nuk do të mbrojnë njëri tjetrin dëmton sigurinë tonë, përfshirë atë të SHBA-së dhe vendos në rrezik të shtuar ushtarët amerikanë dhe evropianë”, tha Stoltenberg. “Unë pres që pavarësisht se kush fiton zgjedhjet presidenciale, SHBA do të mbetet një aleate e fortë dhe e angazhuar e NATO-s”, tha ai ndërsa nënvizoi se cdo sulm mbi një vend të NATO-s do të pasohej nga një përgjigje e fortë dhe e unike. Komentet e trump që vijnë në mesin e një lufte në vazhdim në evropë dhe në mesin e shqetësimeve për aktivitet të shtuan kinez në detin e kinës së jugut dhe tajvan, me gjasë do të ngerën pikëpyetje të reja mes aleatëve në evropë dhe azi për qëndrueshmërinë e angazhimeve amerikane.